Tatarski drěn (Cornus alba) je rostlina ze swójby drěnowych rostlinow (Cornaceae).
Wopis
Tatarski drěn je w lěću zeleny kerk, kotryž docpěje wysokosć wot 2 hač do 4 m. Jeho róst je šěroki a zrunany. Twori huste kerčiny.
Hałuzy su kruće zrunane a w zymje a nalěće swěćace čerwjene.
Łopjena
Přećiwostejne łopjena su eliptiske-jejkojte a maja 4-8 pódlanskich porow nerwow. Wone docpěja dołhosć wot 1 hač do 2,5 (8) cm. Na hornim boku su zelene, mjeztym zo na delnim boku su napadnje šěrozelene abo módrojte. Jich kroma je hładka.
Jich nazymske barbjenje je žołte hač čerwjene.
Kćenja
Kćěje wot meje hač junija. Małke kćenja su nažołć běłe, štyrikónčne a steja w 3-5 cm šěrokich njeprawych wokołkach.
Płody
Płody su běłe hač módrojte póčkate płody a docpěja wulkosć hróšatkow. Wone wot julija dozrawja a su njejědźne. Płody so wot spěwatych ptačkow jědźa.
Stejnišćo
Rosće w na družiny bohatych měšanych lěsach. Rostlina je njenaročna a zymokruta.
Rozšěrjenje
Rostlina je wot wuchodneje Europy hač do Sibirskeje rozšěrjena, ale tež we wuchodnej Aziji wustupuje.
Wužiwanje
Wón je pyšny kerk w parkach a zahrodach, ale so tež jako pioněrsku drjewinu a škit přećiwo wětrej plahuje.
Sorty
-
Elegantissima njese šěrozelene, zdźěla běle kromate łopjena.
-
Sibirica njese swětłočerwjene łopjena a hałuzy.
-
Spaethii njese bronzowe łopjena.
Nóžki
-
↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 101.
-
↑ W internetowym słowniku: Hartriegel
Žórła
- Botanica, Bäume und Sträucher, Über 2000 Pflanzenporträts, ISBN 978-3-8331-4467-7, strona 270 (němsce)
- Mayer, Schwegler: Welcher Baum ist das?, Bäume, Sträucher, Ziergehölze, ISBN 978-3-440-11273-1, strona 36 (němsce)
- Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 422, jako podobna družina Tatarischer Hartriegel (Cornus alba) pod hesłom Blutroter Hartriegel (Cornus sanguinea) (němsce)
- Steinbachs Großer Pflanzenführer, ISBN 978-3-8001-7567-3, strona 362 (němsce)
- Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
- Kubát, K. (Hlavní editor): Klíč ke květeně České republiky. Academia, Praha (2002)
- Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
- Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)
Eksterne wotkazy
