Salamandrininae Fitzinger 1843

A dos salamandridinos (Salamandridinae) é unha subfamilia de anfibios da orde dos caudados ou urodelos, da familia dos salamándridos.

A subfamilia está formada por un único xénero, Salamandrina, que contén dúas especies.

Distribución

As dúas especies do único xénero actual son endémicas de Italia.^[1]

Taxonomía

Descrición

A subfamilia foi descrita en 1843 polo zoólogo austríaco Leopold Fitzinger, na súa obra:

Fitzinger, L. J. F. (1843): Systema Reptilium, fasciculus primus, Amblyglossae. Braumüller und Seidel, Wien, pp. 1-106. (Ver o texto íntegro).

Etimoloxía

O nome científico está formado pola raíz do nome do xénero tipo, Salamandrina coa desinencia -inae, propia dos nomes das subfamilias de animais.

Clasificación

Como quedou dito, a subfamilia só comprende un único xénero actual:^[2][3][4]

• Subfamilia Salamandridinae Fitzinger, 1843
  • Xénero Salamandrina Fitzinger, 1843

Ademais, coñécese un xénero fósil: Archaeotriton Meyer, 1860

Controversia taxonómica

Aínda que non aceptada por todos os autores, que inclúen o seu único xénero na subfamilia dos salamandrinos, o taxon foi confirmado, entre outros, por Amphibian Species of the World,^[1] pola AmphiaWeb,^[2] polo NCBI,^[3], e por Alain Dubois e J. Raffaelli.^[5][6]

Notas

Véxase tamén

Bibliografía

• Dubois, A. (2005): "Amphibia Mundi. 1.1. An ergotaxonomy of Recent amphibians. Alytes. Paris, 23: 1–24.
• Dubois, A. & J. Raffaëlli (2009): "A new ergotaxonomy of the family Salamandridae Goldfuss, 1820 (Amphibia, Urodela). Alytes. Paris, 26: 1–85. Ver o artigo completo en PDF.
• Gray, J. E. (1850): Catalogue of the Specimens of Amphibia in the Collection of the British Museum. Part II. Batrachia Gradientia, etc. Printed by Order of the Trustees. London: Spottiswoodes and Shaw.

Ourtros artigos

• Salamándridos
• Salamandrina