E knopgalletje (Pleurobrachia pileus) is e bêeste die dêel uutmakt van de rebbekwallen (Ctenophora). E rebbekwalle is gin nittelbêeste lik de schyfkwalle.
Knopgalletjes wordn 2 tout 3 cm grôot. Hêel 't joar deure spoeln z' an ip 't strange moa surtout in de lente en de zomer. Ze zien der uut lik zochte deurzichtige marbeltjes.
Knopgalletjes hen acht verticoale rebbn woarip dat er klêne platte zwemploatjes zittn me trilhartjes die ritmisch ip en nere beweegn en woamee dan z' hunder vôortbeweegn. In lucht van e lampe of van de zunne krygn ze 't effect van e bewegende regenboge.
Vanboovn hen z' een evenwichtsorgoan en hunder mound zit vanounder.
Knopgalletjes eetn planktonbêestjes, visjes en zelfs hunder eign sôorte. Ze vangn ze me twi lange tentoakels die kunnen ingetrokkn wordn en die e plakkerige stoffe uutscheidn. Os 't bêestje an de tentoakel bluuft hangn, wordt 't noa de moundopenienge gebrocht.
Knopgalletjes zyn twislachtig en ze briengen zowel zoadcellen of eitjes vôort. Eicellen wordn in 't vôorjoar in 't woater bevrucht. In 't begun zwemmn de larvn tusschn 't plankton.
Knopgalletjes leevn in oundiep woater, dichte by de kust an weerskantn van de nôordelikkn Atlantischn Oceoan.
E knopgalletje (Pleurobrachia pileus) is e bêeste die dêel uutmakt van de rebbekwallen (Ctenophora). E rebbekwalle is gin nittelbêeste lik de schyfkwalle.
