La curuxa común (Tyto alba), tamién denomada en dellos llugares Coruxu, ó Rillu ye una ave rapaz qu'esnala de nueche. Tien cerca de 34 cm y pesa sobre 325 gramos y ensin desemeyanza aparente ente sexos. La so tiesta tien forma de corazón. Posee una vista y un oyíu peraguzáu. Suel facer ñeros n'árboles y roques.
L'área de distribución d'esti rapaz inclúi los cinco continentes, nos que podemos atopar delles subespecies.
Tien un carauterísticu discu facial con forma de corazón y partes ventrales blanques en T. alba alba, anque pue variar n'otres subespecies. Los tarsos tán emplumaos, y tienen los deos cubiertos con plumes modificaes de color abuxáu.
Les nales, rellativamente curties y arrondaes, nun faciliten los vuelos llargos y poderosos, magar que la particular estructura de les filoplumes, especialmente nidies y desflecaes, permíten-y a esti rapaz un vuelu silenciosu, de mou qu'al veles volar, más paeciera que llexaren primero qu'aletiar.
Emiten un berru quexumosu y estridente, magar que la gran variedá de soníos que producen enzanca la identificación, a esceición del inconfundible siséu qu'emite cuando siéntese amenaciada o les críes piden alimentu.
La curuxa común (Tyto alba), tamién denomada en dellos llugares Coruxu, ó Rillu ye una ave rapaz qu'esnala de nueche. Tien cerca de 34 cm y pesa sobre 325 gramos y ensin desemeyanza aparente ente sexos. La so tiesta tien forma de corazón. Posee una vista y un oyíu peraguzáu. Suel facer ñeros n'árboles y roques.
L'área de distribución d'esti rapaz inclúi los cinco continentes, nos que podemos atopar delles subespecies.
