dcsimg
Unresolved name

Octocorallia

Octocorallia ( Afrikaans )

provided by wikipedia AF

Octocorallia (ook bekend as Alcyonaria) is ’n subklas van Anthozoa wat uit sowat 3 000 spesies waterorganismes bestaan wat as poliepe voorkom; hulle het gewoonlik tentakels in veelvoude van agt. Dit sluit sagte korale, bloukorale, seevere, seewaaiers en seeswepe in en bestaan uit drie ordes: Alcyonacea, Helioporacea en Pennatulacea.[1] Hierdie organismes het ’n interne skelet en poliepe met agt tentakels. Nes by alle lede van Cnidaria het die diertjies ’n ingewikkelde lewensiklus wat ook ’n planktonfase insluit.

Octocoralia lyk soos steenkorale, maar het nie die kenmerkende harde skelette nie. Hul agt tentakels is veeragtig en het talle vertakkings, bekend as pinnules. Hulle is ook koloniale diere wat in ’n sagte matriks geanker is en aan mekaar verbind word deur gastrovaskulêre kanale waardeur water en voedinstowwe tussen al die lede van die kolonie uitgeruil kan word. Die skeletmateriaal bestaan uit lewende weefsel wat deur talle swerwende amebosiete afgeskei word. Hoewel dit gewoonlik sag is, word dit by sekere spesies versterk deur kalk- en horingagtige materiaal.[2]

Filogenie

Octocorallia word beskou as monofileties (met al sy spesies wat van ’n enkele voorsaat afstam), hoewel die verhouding tussen die verskillende onderafdelings nie baie bekend is nie. Die seevere (Pennatulacea) en bloukorale (Helioporacea) word steeds in aparte ordes ingedeel, terwyl die huidige orde Alcyonacea histories deur vier ordes verteenwoordig is: Alcyonacea, Gorgonacea, Stolonifera en Telestacea.

Die huidige filogenie is:[1]

Octocorallia Alcyonacea

Calcaxonia



Holaxonia




Alcyoniina



Protoalcyonaria



Scleraxona



Stolonifera





Helioporacea



Pennatulacea



Verwysings

  1. 1,0 1,1 Daly, M. (2007-07-21). “The phylum Cnidaria: A review of phylogenetic patterns and diversity 300 years after Linnaeus”. Zootaxa 1668: 1–766.
  2. Barnes, Robert D. (1982). Invertebrate Zoology. Philadelphia, PA: Holt-Saunders International. pp. 164–169. ISBN 0-03-056747-5.

Eksterne skakels

license
cc-by-sa-3.0
copyright
Wikipedia skrywers en redakteurs
original
visit source
partner site
wikipedia AF

Octocorallia: Brief Summary ( Afrikaans )

provided by wikipedia AF

Octocorallia (ook bekend as Alcyonaria) is ’n subklas van Anthozoa wat uit sowat 3 000 spesies waterorganismes bestaan wat as poliepe voorkom; hulle het gewoonlik tentakels in veelvoude van agt. Dit sluit sagte korale, bloukorale, seevere, seewaaiers en seeswepe in en bestaan uit drie ordes: Alcyonacea, Helioporacea en Pennatulacea. Hierdie organismes het ’n interne skelet en poliepe met agt tentakels. Nes by alle lede van Cnidaria het die diertjies ’n ingewikkelde lewensiklus wat ook ’n planktonfase insluit.

Octocoralia lyk soos steenkorale, maar het nie die kenmerkende harde skelette nie. Hul agt tentakels is veeragtig en het talle vertakkings, bekend as pinnules. Hulle is ook koloniale diere wat in ’n sagte matriks geanker is en aan mekaar verbind word deur gastrovaskulêre kanale waardeur water en voedinstowwe tussen al die lede van die kolonie uitgeruil kan word. Die skeletmateriaal bestaan uit lewende weefsel wat deur talle swerwende amebosiete afgeskei word. Hoewel dit gewoonlik sag is, word dit by sekere spesies versterk deur kalk- en horingagtige materiaal.

license
cc-by-sa-3.0
copyright
Wikipedia skrywers en redakteurs
original
visit source
partner site
wikipedia AF