Crested Serpent Eagle

Heulang Ruyuk (Spilornis cheela) mangrupa manuk pamangsa, bangsa heulang anggota kulawarga Accipitridae.

Heulang Ruyuk hirup di wewengkon Asia kidul, ti India jeung Sri Langka nepi ka Cina kidul, Asia tenggara, jeung Indonésia. Ieu heulang kaasup manuk leuweung nu nyayang dina tatangkalan deukeut aliran cai, sarta ngendog sakali dina samangsa.

Heulang Ruyuk ukuranana sedeng, panjangna kira 55–75 cm. Mun geus sawawa/kolot, bulu huluna coklat, bulu beuteung jeung handapeun jangjangna coklat pias. Nu jalu jeung nu bikang katémbongna sarua baé, nu bisa dibédakeun téh ukur antara nu ngora jeung nu kolot: nu ngora mah bulu hulu, beuteung, jeung handapeun jangjangna bodas, sedengkeun mun geus kolot mah warnana beuki moékan.

Heulang Ruyuk, luyu jeung ngaranna dina basa Inggris jeung ilmiahna, ukur ngahakan réptil, nyaéta oray jeung kadal.

Rujukan

• Crested Serpent Eagle, Wikipédia édisi basa Inggris (1 Agustus 2006)
• BirdLife International (2004). Spilornis cheela. 2006 IUCN Red List of Threatened Species. IUCN 2006. Dipulut ping 11 May 2006. Éntri basis data
• Birds of India karya Grimmett, Inskipp and Inskipp, ISBN 0-691-04910-6