Timofeik (latin.: Phleum) om üks'voččiden i äivoččiden heinäsižiden kazmusiden heim. Mülütadas Tähkheiniden sugukundha.
Kazmuz om levitadud Evropan, Azijan i Afrikan maiš. Introduciruihe Amerikan maihe i Avstralijha. Sädab heinän päpalad nituil pojavanke lähiženke Alopecurus-heimonke (45 erikod). Kazvab mecoiš, mecstepiš i mägitahondoiš.
Jurišton vauktad jured oma 3..5 mm sankte. Jur' pakuštub da kuidahtub räkän aigan, no andab orahaižid kastelendan jäl'ghe. Timofeik kazvab 20 santimetraspäi pol'tošt metrhasai kortte, voib olda severz'-se seikhid jurespäi. Änikod formiruidas hoikan cilindrižen tähkan nägul. Semned levigatas ičeze koukuižil živatoiden i ristitun abul.
Pakaižvastaine kazmuz, idäb aigaližel kevädel.
Semetas-kul'tiviruidas severz'-se erikoid (nittimofeik Phleum pratense päpaloin) sötmižkazmusikš kaikiden maižanduzživatoiden täht.
Kazmuz om todud kul'turha Venämas 17. voz'sadal. Semetas omaluižil i pöudoil varhapanemha kuivatud da tošt heinäd. Nittas änikoičendan zavodindas.
Kaik lugetas 15..18 erikod heimos.
Timofeik (latin.: Phleum) om üks'voččiden i äivoččiden heinäsižiden kazmusiden heim. Mülütadas Tähkheiniden sugukundha.
