Os aracnidos (Arachnida, d'o griego -αράχνη -aráchne, "araina" y -ιδες -ides, "perteneixient a un grupo") son una clase de artropodos queliceratos d'a quala han estau descritas mas de 102.000 especies.[1] Incluye formas tant conoixitas como as arainas, as caparras, os acaros y os arraclans.[2]
Os arácnidos son oviparos (se reproducen por meyo de uegos) pero qualques especies naixen dreitament d'a mai (ovoviviparos). O comportamiento de cortecho ye a ormino muit elaborau, y en muitos casos s'observa cudiau parental, un feito raro difuera d'os vertebraus. Son mas abundants y variaus en climas calidos, pero son presents en totz os climas no polars, y entre as arainas y os Pseudoscorpionida se troban beluns d'os pocos animals capables de vivir en as cumbres mas altas d'a Tierra.
Existen mas de 102.000 especies de aracnidos, y son o segundo grupo mas numeroso d'o reino animal, dimpués d'os insectos, y quasi duplica en especies a os vertebraus. Os actuals se clasifican en 11 ordens, d'os quals os mas nutrius en especies son as arainas, os acaros y os opilions. Existen amás grupos que solament se conoixen como fósils. Una clasificación moderna contiene os siguients grupos (encara que a categoría taxonomica asignada aquí puet estar discutida):
Os aracnidos (Arachnida, d'o griego -αράχνη -aráchne, "araina" y -ιδες -ides, "perteneixient a un grupo") son una clase de artropodos queliceratos d'a quala han estau descritas mas de 102.000 especies. Incluye formas tant conoixitas como as arainas, as caparras, os acaros y os arraclans.
