Ophiuroidea utawi Bintang ular punika kéwan saking filum Echinodermata ingkang gadhah gayutan kaliyan bintang laut. Kelompok Ophiuroidea asring dipunwastani bintang ular amargi gadhah lengen ingkang dawa lan gerakanipun kados obahing ula [1]. Kéwan mau mlmapah ing dhasar segara ngginakaken lengen fleksibel kanggé obah. Padatanipun bintang ular gadhah gangsal lengen ingkang awujud kados cambuk ingkang dawanipun saged dumugi 60 cm (2 kaki) ing spèsimèn paling ageng. Wonten kirang langkung 1.500 spèsimèn bintang ular ingkang wonten sapunika lan kathahipun kapanggih wonten ing jero langkung saking 500 mèter (1.620 kaki).
Bintang ular saged mapan wonten ing ékosistem terumbu karang utawi saged ugi gesang kanthi bébas wonten ing dhasaring perairan lepas pasisir. Ing laladan ékosistem kéwan punika mapan dados habitat kados karang urip, karang mati, pecahan karang, lan laladan lamun. Biota punika gadhah sipat fotoaksis négatif ingkang padatanipun gesang kanthi ndelik wonten ing laladan sebaranipun [2].
Bintang ular punika kagolongaken karnivora ingkang mangan biota sanèsipun lan pemakan partikel-partikel alit (mikrofagus). kelompok kapisan inggih punika karnivora gadhah tangan ingkang wonten erinipun lan cendhèk, sikil tabung ingkang gadhah tugas mindahaken mangsa ingkang sampun dipuntangkep dhateng tutuk. Tuladha saking kelompok punika saking suku Ophiomyxidae, Ophiodermatidae, lan Ophiuridae. Kelompok kalih punika kelompok paling umum, ingkang anggènipun mendhet panganan langsung mendhet partikel-pertikel alit saking subsrat (surface deposit feeder) utawi mendhet partikel-partikel saking massa toya ing sekitaripun. Wonten ing kelompok punika tangannipun langkung dawa kanthi kajangkan kaliyan eri-eri ingkang langkung dawa ugi. Kanggé mendhet partikel-partikel alit kejawi sikil tabung ugi dipunbantu déning mukus ingkang wonten ing sepanjang alur panganan ing sisih ventral saking tangan-tanganipun. Tuladha ingkang mlebet kelompok kalih inggih punika suku Ophiocomidae, Ophiactidae, Amphiuridae, lan Ophiothricidae.
Ophiuroidae gadhah kelamin ingkang kapisah. Antawisipun kéwan ingkang lanang lan wadon piyambak-piyambak medalakem endhog lan spérma dhateng massa toya ing sakiwa tengenipun nalika mangsa mijah. Fertilisasi punika kadadosan wonten ing toya sedara. Endog ingkang kabuahi banjur tuwuh dados zigot, lajeng tuwuh dados larva ingkang dipunsebut ophiopluteus. Larva ophiopluteus punika gesang kanthi bébas dados plankton lan badhé nglampahi metamorfosa dados juvenile utawi biota enèm ingkang gadhah sipat bentomik. Dangu lan botenipun mangsa larva punika gumantung jinis, papan géografis lan kaanan lingkungan punika.
Ophiuroidea utawi Bintang ular punika kéwan saking filum Echinodermata ingkang gadhah gayutan kaliyan bintang laut. Kelompok Ophiuroidea asring dipunwastani bintang ular amargi gadhah lengen ingkang dawa lan gerakanipun kados obahing ula . Kéwan mau mlmapah ing dhasar segara ngginakaken lengen fleksibel kanggé obah. Padatanipun bintang ular gadhah gangsal lengen ingkang awujud kados cambuk ingkang dawanipun saged dumugi 60 cm (2 kaki) ing spèsimèn paling ageng. Wonten kirang langkung 1.500 spèsimèn bintang ular ingkang wonten sapunika lan kathahipun kapanggih wonten ing jero langkung saking 500 mèter (1.620 kaki).
