Sanca mangrupa ngaran umum pikeun famili Boidae ti oray teu peurahan—sacara husus subfamili Pythonidae.
Oray sanca aya di Australia, Asia Tenggara, India, jeung Aprika; lolobana hirup dina rungkun-rungkun sarta tatangkalan rapet di leuweung hujang tropis. Oray ieu pinter pisan tétérékél; sababaraha spésiés, modél Sanca Héjo, cicingna na tatangkalan. Sakumaha kailaharan oray, sanca gé bisa ngojay.
Sacara umum, sanca téh panjangna antara 4,5 nepi ka 6 méter, kaasup spésiés oray pangpanjangna; ceuk Buku Rékor Dunia Guinness, oray sanca panjangna aya nu nepi ka sapuluh méter.
Oray sanca ngendog dina 'sayang'na, direngkolan nepi ka megarna. ku sabab sanca mah teu bisa ngatur hawa jero awakna, si endog téh teu disileungleuman; endogna dihaneutan ku gerak awakna.
Sanca mangrupa ngaran umum pikeun famili Boidae ti oray teu peurahan—sacara husus subfamili Pythonidae.
