Al Toxocàra 'l è 'n parasìta dla famìja Toxocaridae ch'al s cata bèṅ quànd al gh la cava a insfilsàr-as in 'n òspit definitìṿ ch'al sia 'n caṅ o 'n gat esénd lò dixèṅ. Al pōl anc vìv'r in dal còrp umàṅ e qvést a sucéd quànd 'n óm al manda śò i sò óṿ ch'i s càt'n in dal magnàr o in dl'àqua cuntaminàda da dla mèrda 'd bèsti infèti. Al spéci dal Toxocàra cgnusùdi i èṅ al Toxocara canis, al Toxocara cati, al Toxocara genettae, al Toxocara mystax e al Toxocara vitulorum. Al fémni i pōlan rivàr a èsar lunghi quìndas cm, i masć sōl la mità a 'l incìrca.
In dal stómag dal bèsti, i óṿ i s vèran librànd di bêg che pò i śbuśìs'n al budèli andànd in gir p'r al sangṿ e rivànd acsè a soquànt òrgan, specialmènt a i palmòṅ. Da 'd chè al bêg al riva a la farìnge par pò èsar mandâ śò finénd acsè incóra in dal budèli. Chè al bêg, ch'in cal méntar 'l è madurâ, in dla sò fórma da grand al taca a far di óṿ ch'i vènan sparâ fóra insém a i pét. Quànd 'n àt'r òspit al magna quèl cuntaminâ, a partìs 'n àtar cicclo. I óṿ i pōlan scampàr anc par dū/quàt'r an.
In d'l óm però i bêg i n gh la càvan minga a dvintàr di adûlt e girànd dapartùt (fégat, palmòṅ, pèl, òć e sarvèl) i pōlan dar vita a di mâi grâṿ, ólt'r a 'l cagaròt, cuma na sìndrum ciamàda Toxocarìaśi ch'la culpìs specialmènt i òć. Al Toxocàra al s cata in laburatòri faghénd al tèst Elisa e Immunoblot pascànd di Ab o anc faghénd dal biupsìi.
Al Toxocàra 'l è 'n parasìta dla famìja Toxocaridae ch'al s cata bèṅ quànd al gh la cava a insfilsàr-as in 'n òspit definitìṿ ch'al sia 'n caṅ o 'n gat esénd lò dixèṅ. Al pōl anc vìv'r in dal còrp umàṅ e qvést a sucéd quànd 'n óm al manda śò i sò óṿ ch'i s càt'n in dal magnàr o in dl'àqua cuntaminàda da dla mèrda 'd bèsti infèti. Al spéci dal Toxocàra cgnusùdi i èṅ al Toxocara canis, al Toxocara cati, al Toxocara genettae, al Toxocara mystax e al Toxocara vitulorum. Al fémni i pōlan rivàr a èsar lunghi quìndas cm, i masć sōl la mità a 'l incìrca.
In dal stómag dal bèsti, i óṿ i s vèran librànd di bêg che pò i śbuśìs'n al budèli andànd in gir p'r al sangṿ e rivànd acsè a soquànt òrgan, specialmènt a i palmòṅ. Da 'd chè al bêg al riva a la farìnge par pò èsar mandâ śò finénd acsè incóra in dal budèli. Chè al bêg, ch'in cal méntar 'l è madurâ, in dla sò fórma da grand al taca a far di óṿ ch'i vènan sparâ fóra insém a i pét. Quànd 'n àt'r òspit al magna quèl cuntaminâ, a partìs 'n àtar cicclo. I óṿ i pōlan scampàr anc par dū/quàt'r an.
In d'l óm però i bêg i n gh la càvan minga a dvintàr di adûlt e girànd dapartùt (fégat, palmòṅ, pèl, òć e sarvèl) i pōlan dar vita a di mâi grâṿ, ólt'r a 'l cagaròt, cuma na sìndrum ciamàda Toxocarìaśi ch'la culpìs specialmènt i òć. Al Toxocàra al s cata in laburatòri faghénd al tèst Elisa e Immunoblot pascànd di Ab o anc faghénd dal biupsìi.
