El martareło (o martoreło, nome sientifico Martes martes) el xe un mamìfero carnivoro che el vive 'nte łe foreste de conifere e de latifoje de tuta Eoropa, dal łiveło del mar fin ai domiła metri. Se trata de na bestia longa 45 çentimetri, co na coa pełosa de altri 25 çentimetri; ła pełicia ła xe fisa e bruna, col muso e el mento scuri e na macia zała suła goła e sul peto.
El martareło el se fa ła tana sui gnari dei osei o 'nte i buxi dei àlbari dove che vive i schirati. El martareło el cacia soratuto de note, ranpegandose su pa i àlbari in serca de osei e de schirati, ma el se move anca de dì e el taca lièvori e conej. Se no ghe xe de mejo, el magna grani, fruti e perle.
