Poliqam aktinidiya və ya Xortumlu aktinidiya
Saxalində,Koreyada,Şimal-Şərqi Çində təbii halda bitir.
Kol lianasıdır.Cavan zoğların qabığı boz-qonur,yaşlılarda qırmızımtıl-qonurdur.Yarpaqları vegetasiya dövründə rəngini dəyişir.İyunun əvvəlindən avqustun ortalarınadək təxminən 30 gün ağ,ətirli çiçəklərlə çiçəkləyir.Bitki birevlidir.Hündürlüyü 5-8 m-ə qədər,gövdəsinin qalınlığı 2-3 sm olan,orta boylu lianadır.Xarici görünüşünə görə kolomikta aktinidiyasına bənzəyir,ancaq ondan kiçikdir,az budaqlanır.Yarpaqlarının itiuclu və kənarının itidişli olması ilə başqa növlərdən fərqlənir.Ətirli,ağ rəngli çiçəkləri ikicinslidir.Diametri 2,5 sm-ə qədər olur.Meyvəsi silindrvari,ucdan sivri buruncuqludur.Sentyabr-oktyabr aylarında yetişmiş meyvələri açıq-narıncı rəngdə olur.Meyvələrinin uzunluğu 4 sm-dək olub,sentyabr ayında yetişir,həmin dövrdə rəngi kəskin dəyişir.
İsti,rütubətsevəndir,günəşin sərt şüalarından yarpaqları yanır.
Abşeronda,Lənkəranda,Astarada özəl həyətyanı sahələrdə rast gəlinir.Mədəni şəraitdə XIX ƏSRİN 60-cı illərindən becərilir.
Canlı çəpərlərin salınmasında,divarların örtülməsində dekorativ bitki kimi istifadə olunur.Meyvələri askorbin turşusu ilə zəngindir.
Poliqam aktinidiya və ya Xortumlu aktinidiya
