Booted Racket Tail

Ocreatus underwoodii é unha especie de ave da familia Trochilidae, que se atopa en Bolivia, Colombia, Ecuador, o Perú e Venezuela.

Hábitat

Vive no bosque húmido montañoso dos Andes e nos claros adxacentes, incluíndo áreas agrícolas e xardíns, entre os 900 e 2.200 m de altitude.^[2]

Descrición

Femia.

De media mide 12,7 cm de lonxitude, que inclúen 7,6 cm da cola, e pesa 3 g. O peteiro ten 13 mm de longo.^[3] Presenta dimorfismo sexual. A plumaxe en xeral é de cor verde metálica brillante, pero na gorxa é máis iridiscente. A cola do macho é espectacular, con dúas plumas externas moi longas, curvadas e terminadas en raquetas de cor azul verdoso. Presenta zamarros brancos ou ocráceos. A femia ten as partes superiores cor verde metálico e as inferiores principalmente brancas, con denso punteado verde nos flancos e cunha estría malar verde. Os zamarros son máis pequenos, brancos ou cremosos. A cola é curta mais prominente, con puntas brancas nas plumas externas.

Notas