Tarsius é un xénero de mamíferos primates haplorrinos tarsiiformes, o tipo da súa única familia actual, a dos tarsíidos.[1]
Durante moito tempo pensouse que era o único xénero da familia,[2] pero nos últimos anos (década do 2010), varios descubrimentos levaron a algúns expertos a reconsideraren o taxon, e houbo autores que propuxeron dividilo en tres xéneros diferentes: Tarsius, Carlito[3] e Cephalopachus,[4]
Comprende varias especies que son coñecidas vulgarmente como tarsios,[5] caracterizadas polos seus grandes ollos, e polas súas mans eos seus pés moi desenvolvidos e acabados en dedos longos rematados nun disco adhesivo, que habitan nas selvas de varias illas do sueste asiático.
Durante moitos anos estas especies, como todas as dos tarsiiformes, foron clasificados dentro dos prosimios,[6] pero foron separadas deles porque comparten varias características cos simios.
A clasificación dos tarsios foi, durante moito tempo, confusa. Xa en 1780 Storr sinalara as diferenzas entre os lémures e as especies que hoxe coñecemos cono tarsios, e argumentou a necesidade de separar estes dous taxa.[7]
Daquela cuñou o novo xénero, Tarsius,[1] para reunir os pouco correntes primates que posuían uns excepcionalente longos ósos tasianos, e deulle o nome de Tarsius spectrum á especie que definira Pallas dous anos antes, en 1778, como Lemur spectrum (de aí é de onde procede o nome binomial actual Tarsius spectrum).[7]
Como quedou dito, o xénero foi descrito en 1780 polo médico e naturalista alemán Gottlieb Conrad Christian Storr en Prodr. Meth. Mamm.: 33.[1]
O nome científico Tarsius deriva do latín tarsus, aludindo á lonxitude dos ósos tarsianos destes animais.[8]
Ademais de polo nome de Tarsius, ao longo da historia este xénero foi tamén coñecido polos sinónimos seguintes:[1]
Como quedou dito máis arriba, a clasificación do xénero está actualmente controvertida. A xeito de exemplo, danse a continuación unha clasificación "clásica", a de Mammalian Species of the World e outra máis moderna, a de Paleobiology Database.
— Segundo Mammal Species of the World [1]
— Segundo Paleobiology Database [9]
Nota: para outras clasificacións véxase Tarsiiformes.
Tarsius é un xénero de mamíferos primates haplorrinos tarsiiformes, o tipo da súa única familia actual, a dos tarsíidos.
Durante moito tempo pensouse que era o único xénero da familia, pero nos últimos anos (década do 2010), varios descubrimentos levaron a algúns expertos a reconsideraren o taxon, e houbo autores que propuxeron dividilo en tres xéneros diferentes: Tarsius, Carlito e Cephalopachus,
Comprende varias especies que son coñecidas vulgarmente como tarsios, caracterizadas polos seus grandes ollos, e polas súas mans eos seus pés moi desenvolvidos e acabados en dedos longos rematados nun disco adhesivo, que habitan nas selvas de varias illas do sueste asiático.
Durante moitos anos estas especies, como todas as dos tarsiiformes, foron clasificados dentro dos prosimios, pero foron separadas deles porque comparten varias características cos simios.
