Plasmodium knowlesi estas specio de plasmodio, genro de protistoj el klaso de sporozooj, vivante parazite precipe en la sango de simioj, aparte de longvostaj makakoj, sed trovebla ankaŭ en la sango de homoj, kie ĝi kaŭzas malarion. Ĝi estas transportita de homo al homo per specio de moskito. Ĉiuj specioj de plasmodio estas migrantaj senformaj masoj de protoplasmo senseptaj, multenukleaj, kiel ĉe miksomicetoj.
