Eumetazoa

Gwääbdierer (Eumetazoa) (altgr. εὖ eu guet, ächt + μετά meta derno + ζῷον zóon, Lääbewääse, Dier) sin di Vylzällige Dierer (Metazoa) mit ächtem Zällgwääb. Si wäre wäge däm au Ächti Vylzäller gnännt. Mit Uusnahm vu dr Schwimm (Porifera) un villicht dr Placozoa ghere alli Vylzällige Dierer zue dr Gwääbdierer.

Merkmol

S Taxon vu dr Gwääbdierer zaichnet sich dur spezialisierti Zälltype uus un dur ächti Gwääb wie zem Byschpel Sinneszälle, Nerve- oder Muskelgwääb. Epithel- un anderi Zälle sin dur speziälli Zäll-Zäll-Verbindige, d „Gap Junction“ verbunde. Derzue chunnt s bi dr Entwicklig vum Embryo dur Gastrulation zuen ere Ufspaltig vu dr Zälle in zwoo Zällschichte (Chyymbletter), s Entoderm un s Ektoderm.

Inneri Syschtematik

As basalschti Gruppe vu dr Gwääbdier gälte hite nimi d Nesseldierer, derfir d Rippequalle, di syschtematisch Stellig vu dr Placozoa, friejer mit dr Schwimm as Gwääblosi veraint, isch nit sicher. E Verwandtschaft mit dr Nesseldierer wird vermuetet. Des Kladogramm git di wahrschynlige Verwandtschaftsverhältnis wider^[1]

Eumetazoa

Rippequalle (Ctenophora)

Placozoa

Nesseldierer (Cnidaria)

Bilateria

Urmyyler (Protostomia)

Neimyyler (Deuterostomia)

Literatur

• Wilfried Westheide: Rieger, Reinhard Spezielle Zoologie - Teil 1: Einzeller und Wirbellose Tiere, 2. Auflage 2007, ISBN 978-3-8274-1575-2

Fueßnote

1. ↑ Hynek Burda, Gero Hilken, Jan Zrzavý: Systematische Zoologie. UTB, Stuttgart 2008. ISBN 978-3-8252-3119-4. S. 42