Os vertebraus (ditos scientificament Vertebrata, d'o latín vertebra) son o subfilum meá numeroso d'o filum Chordata y se caracterizan por tener un sistema niervoso central dorsal con un miollo espinal protechiu por unas vertebras aliniadas que forman a columna vertebral, de teixiu osio u cartilachinoso. En a part de debant d'a medula o sistema niervoso presenta un ixamplamiento u encefalo protechiu por un conchunto de uesos que forman o cranio.
Os primers vertebraus yeran aquaticos, pero en o curso d'a suya evolución han conseguiu adaptar-se y colonizar diferents medios, tanto marins como terrestres, incluitos beluns de muito extremaus. Hi ha quasi 60.000 especies de vertebraus, a mitat d'as qualas son peixes.
