Marmota olympus (vulgo Olympic marmot) est rodens familiae Sciuridarum quod medias altitudines paeninsulae Olympicae civitatis Vasingtoniae Civitatum Foederatarum habitat. Proximi cognati eius sunt Marmota caligata et Marmota vancouverensis. Marmota olympus anno 2009 publicum mammale Vasingtoniae endemicum declarata est.
Haec marmota, tam magna quam feles domesticus, pondo chiliogrammata octo aestate pendit. Maximum omnium marmotarum dimorphismum sexualem monstrat: mares, media habita ratione, 23% plus quam feminae pendunt. Marmota olympus capite lato, oculis aurisque parvis, cruribus brevibus, caudâ crinitâ et longâ agnoscitur, atque unguibus acutis et rotundis, quibus cuniculos facit. Color velleris tempore anni et aetate commutatur, sed vellus marmotae adultae, maiore parte anni, ubique est fuscus cum maculis albis.
Praecipue varias plantas pratenses edit, ut gramina sicca, quibus etiam stragulis in cuniculo utitur. Eam varia mammalia avesque venantur, sed hodie principalis eius praedator est coiotes. In Indice rubro IUCN Marmota olympus species vigens existimatur, custoditur autem in Saepto nationali Olympico, quod maximam partem habitationis marmotae comprehendit.
Situs scientifici: • ITIS • NCBI • Biodiversity • Encyclopedia of Life • IUCN Red List • Fossilworks 
Vide "Marmotam olympum" apud Vicispecies. Marmota olympus (vulgo Olympic marmot) est rodens familiae Sciuridarum quod medias altitudines paeninsulae Olympicae civitatis Vasingtoniae Civitatum Foederatarum habitat. Proximi cognati eius sunt Marmota caligata et Marmota vancouverensis. Marmota olympus anno 2009 publicum mammale Vasingtoniae endemicum declarata est.
Haec marmota, tam magna quam feles domesticus, pondo chiliogrammata octo aestate pendit. Maximum omnium marmotarum dimorphismum sexualem monstrat: mares, media habita ratione, 23% plus quam feminae pendunt. Marmota olympus capite lato, oculis aurisque parvis, cruribus brevibus, caudâ crinitâ et longâ agnoscitur, atque unguibus acutis et rotundis, quibus cuniculos facit. Color velleris tempore anni et aetate commutatur, sed vellus marmotae adultae, maiore parte anni, ubique est fuscus cum maculis albis.
Praecipue varias plantas pratenses edit, ut gramina sicca, quibus etiam stragulis in cuniculo utitur. Eam varia mammalia avesque venantur, sed hodie principalis eius praedator est coiotes. In Indice rubro IUCN Marmota olympus species vigens existimatur, custoditur autem in Saepto nationali Olympico, quod maximam partem habitationis marmotae comprehendit.
