ಹಿಮ ಗೂಬೆ, ಗೂಬೆ ಜಾತಿಯ ಒಂದು ದೊಡ್ಡ ಗಾತ್ರದ ಬಿಳಿ ಗೂಬೆ.
ಹಿಮ ಗೂಬೆ ಒಂದು ದೊಡ್ಡ ಬಿಳಿಯ ಜಾತಿಯ ಗೂಬೆ. ಹಿಮ ಗೂಬೆಗಳು ಮೂಲತಃ ಏಷ್ಯಾ , ಯುರೋಪ್ ಮತ್ತು ಉತ್ತರ ಅಮೇರಿಕ ಆರ್ಕ್ಟಿಕ್ ದೇಶದಲ್ಲಿವೆ. ಗಂಡು ಗೂಬೆ ಸಾಮಾನ್ಯವಾಗಿ ಬಿಳಿಯದಾಗಿರುತ್ತದೆ. ಹೆಣ್ಣು ಗೂಬೆಯ ಮೈ ಬಣ್ಣವೂ ಬಿಳಿಯದಾಗಿದ್ದು,ಮೈಯಮೇಲೆ ಕಪ್ಪು ಚುಕ್ಕೆಗಳಿರುತ್ತವೆ. ಹಿಮ ಗೂಬೆ ಮರಿಗಳು ಕಪ್ಪು ಪುಕ್ಕಗಳನ್ನು ಹೊಂದಿದ್ದು ನಂತರ ಬಿಳಿಯ ಬಣ್ಣಕ್ಕೆ ತಿರುಗುತ್ತವೆ. ಇವು ನೆಲದಲ್ಲಿ ಗೂಡು ಕಟ್ಟುವ ಒಂದು ಪಕ್ಷಿ. ಇವು ಧ್ವಂಸಕಗಳು, ಜಲಪಕ್ಷಿಗಳು ಮತ್ತು ಕೊಳೆತ ಪ್ರಾಣಿಗಳನ್ನು ತಿನ್ನುತ್ತವೆ. ಎಲ್ಲಾ ಜಾತಿಯ ಗೂಬೆಗಳು ಹಗಲಿನಲ್ಲಿ ಮಲಗಿದ್ದು ರಾತ್ರಿ ಹೊತ್ತಿನಲ್ಲಿ ಬೇಟೆಯಾಡುತ್ತವೆ. ಆದರೆ ಹಿಮ ಗೂಬೆಗಳು ರಾತ್ರಿ ನಿದ್ರಿಸಿ, ಹಗಲಿನಲ್ಲಿ ಬೇಟೆಯಾಡುತ್ತವೆ.
ಹಿಮ ಗೂಬೆಗಳು ಸ್ಪಷ್ಟ ವೀಕ್ಷಣೆಗೆ ಅನುಕೂಲಕರವಾದ ವಿಶಾಲ ಬಯಲು ಪ್ರದೇಶದಲ್ಲಿ, ನೆಲದ ಮೇಲೆ ಇಲ್ಲವೆ ಬಂಡೆಗಳ ಮೇಲೆ ಕಲ್ಲು, ಕಡ್ಡಿ , ಕಸದಿಂದ ಗುಪ್ಪೆಯ ರೂಪದಲ್ಲಿ ಗೂಡು ನಿರ್ಮಿಸುತ್ತವೆ. ಗುಪ್ಪೆಯ ಮೇಲೆ ಸಣ್ಣ ಹಳ್ಳದಲ್ಲಿ ಹೆಣ್ಣು ಗೂಬೆ ೩ ರಿಂದ ೧೧ ಮೊಟ್ಟೆಗಳನ್ನು, ಮೇ ಅಥವ ಜೂನ್ ತಿಂಗಳುಗಳಲ್ಲಿ ಇಡುತ್ತವೆ. ಮೊಟ್ಟೆ ಇಡುವುದು ಎರಡು ವಾರಗಳ ಅವಧಿಯ ವರೆಗೂ ಸಾಗುವುದರಿಂದ ಎಲ್ಲ ಮೊಟ್ಟೆಗಳು ಒಟ್ಟಿಗೆ ಮರಿಯಾಗುವುದಿಲ್ಲ. ಮೊಟ್ಟೆಗಳು ಮರಿಯಾಗಲು ಸುಮಾರು ೫ ವಾರಗಳ ಅವಧಿ ಬೇಕಾಗುತ್ತದೆ. ಕೆಲವೊಮ್ಮೆ ಮೊದಲ ಮರಿ ಕೊನೆಯ ಮರಿಗೆ ಹೋಲಿಸಿದರೆ ೧೦ ರಿಂದ ೧೫ ಪಟ್ಟು ಗಾತ್ರದಲ್ಲಿ ದೊಡ್ಡದಾಗಿರುತ್ತದೆ.ಹೀಗಿದ್ದರೂ ಮರಿಗಳ ಅನ್ಯೋನ್ಯತೆಗೆ ಯಾವುದೇ ದಕ್ಕೆ ಇರುವುದಿಲ್ಲ. ಅಷ್ಟೇ ಅಲ್ಲದೆ ಗರುಡ, ಹದ್ದು ಇತರ ಪಕ್ಷಿಗಳ ಸಂತತಿಯಲ್ಲಿರುವಂತೆ ಸೋದರ ವೈರ ಅಥವ ಸೋದರ ಹತ್ಯೆ ಹಿಮ ಗೂಬೆಗಳಲ್ಲಿ ಕಂಡು ಬರುವುದಿಲ್ಲ. ಮರಿಗಳು ಎಳೆಯದಾಗಿದ್ದಾಗ ಗಂಡು ಮಾತ್ರ ಬೇಟೆಯಾಡಿ ಅಹಾರ ಒದಗಿಸುವ ಹೊಣೆಯನ್ನು ಹೊತ್ತಿರುತ್ತದೆ. ಹೆಣ್ಣು ಮತ್ತು ಗಂಡು ಎರಡೂ ಪರಭಕ್ಷಕರಿಂದ ಸಂತಾನ ರಕ್ಷಣೆಯ ಜವಾಬ್ದಾರಿಯನ್ನು ಸಕ್ರಿಯೆಯಿಂದ ಕೈಗೊಳ್ಳುತ್ತವೆ. ರಕ್ಷಣೆಯ ತಂತ್ರವಾಗಿ ಪ್ರಹಾರ ಮತ್ತು ರಕ್ಷಣಾ ಮಾರ್ಗಗಳನ್ನೆರಡನ್ನೂ ಬಳಸುತ್ತವೆ. ಗಂಡು ಗೂಬೆ ಕೆಲವೊಮ್ಮೆ ಎರಡು ಹೆಣ್ಣುಗಳೊಂದಿಗೆ ಏಕಕಾಲದಲ್ಲಿ ಸಂತಾನೋತ್ಪತ್ತಿಯಲ್ಲಿ ತೊಡಗಿದಾಗ ಎರಡೂ ಗೂಡುಗಳು ಸುಮಾರು ೧ ಕಿಮೀ ಅಂತರದಲ್ಲಿರುತ್ತವೆ.[೨]
ಸುಮಾರು ೧೨ ವಾರದ ಎಳೆಯ ಮರಿ
ಹಿಮಗೂಬೆಗಳು ಕಾಲಕ್ರಮೇಣ ತಮ್ಮ ಪುಕ್ಕದ ಮೇಲಿನ ಕಪ್ಪು ಪಟ್ಟಿಗಳನ್ನು ಕಳೆದುಕೊಳ್ಳುತ್ತವೆಯಾದರೂ ಹೆಣ್ಣು ಗೂಬೆಗಳು ಪೂರ್ಣವಾಗಿ ಕಳೆದುಕೊಳ್ಳುವುದಿಲ್ಲ.
ಮರಿ ತಾಯಿಯನ್ನು ಕರೆಯುತ್ತಿರುವುದು. ಆಂಟೇರಿಯೋ, ಕೆನಡಾ
ಹಿಮ ಗೂಬೆ, ಗೂಬೆ ಜಾತಿಯ ಒಂದು ದೊಡ್ಡ ಗಾತ್ರದ ಬಿಳಿ ಗೂಬೆ.
