La Okraventra pipio (Anthus rubescens) estas mezgranda paserina birdo, membro de la genro de pipioj kaj familio de Motaciledoj (kiu enhavas ankaŭ la motacilojn kaj longungulojn) kiu reproduktiĝas en ambaŭ flankoj de la norda Pacifiko. Ĝi estis unuafoje priskribata de Marmaduke Tunstall en sia verko de 1771 Ornithologia Britannica.[1]
Kiel ĉe plej parto de aliaj pipioj, ankaŭ tiu estas nedistingeblaspekta specio kiu kutime povas esti vidata kuretante surgrunde. La Amerika pipio havas helajn striecajn grizbrunajn suprajn partojn kaj estas pli svage strieca sube en sablokoloraj brusto kaj flankoj. La ventro estas blankeca, la beko kaj kruroj estas malhelaj. La Japana pipio estas pli malhela supre kaj havas pli markatan nigran striecon en siaj pli blankaj subaj partoj; ties kruroj havas ruĝecan nuancon.[2]
La alvoko estas krieca sip.[3]
La specio havas du distingajn subspeciojn, sed morfologiaj kaj laŭ DNA diferencoj inter ili estas tiom markataj ke ili povus esti konsiderataj distingaj specioj depende de plia pristudo:[4]
Tiu specio estas tre rilata al la Rokpipio (A. petrosus) kaj al la Akvopipio (A. spinoletta), kaj tiuj tri formoj estis iam konsiderataj samspecifaj. Ili povas esti diferencigataj pro siaj voĉoj kaj kelkaj vidaj ŝlosiloj, sed la Rokpipio kaj la Okraventra pipio ne troviĝas simpatrie escepte kiel vagantaj individuoj, kaj la teritorioj de la Okraventra pipio kaj de la Akvopipio koincidas nur en malgranda areo de Centra Azio.[5]
Ambaŭ subspecioj de la Okraventra pipio estas migrantaj. La Amerika pipio vintras en la marbordo de Pacifiko en Nordameriko, kaj en la marbordo de Atlantiko el suda Usono al Centrameriko. Almenaŭ ĉe la Amerika pipio, ties vintra teritorio ŝajne etendiĝis norden en la 20a jarcento kaj la birdoj ŝajne pasas malpli da tempo en la vintrejoj: en norda Ohio ekzemple, tiu specio estis markata kiel "ne komuna" dum migrado en majo kaj septembro/oktobro en la 1900-aj jaroj, sed nuntempe ĝi estas konsiderata "disvastigata migranto" en tiu regiono, kie troviĝas el marto kaj majo al fino de septembro kaj novembro, kaj multaj birdoj fakte vintras tiom norde. Aziaj birdoj vintras ĉefe el Pakistano orienten al kaj en Sudorienta Azio, kun eventualaj birdoj troviĝantaj tiom norde kiom ĝis Junano kaj kelkaj en Japanio ŝajne kiel loĝantaj birdoj la tutan jaron aŭ migrante sed nur malmulte. Kaj la amerika kaj la azia subspecioj estas raraj vagantoj en Okcidenta kaj Orienta Eŭropo, respektive.[6]
Kiel siaj parencoj, ankaŭ tiu specio estas insektovora. La reprodukta habitato de la Okraventra pipio estas tundro, sed for de la reprodukta sezono troviĝas en malfermaj nedensaj areoj, similaj al tiuj preferataj de la Akvopipio (A. spinoletta).[3]
Ĝi estas disvastigata kaj komuna specio kaj ne estas konsiderata minacata fare de la IUCN.[7]
La Okraventra pipio (Anthus rubescens) estas mezgranda paserina birdo, membro de la genro de pipioj kaj familio de Motaciledoj (kiu enhavas ankaŭ la motacilojn kaj longungulojn) kiu reproduktiĝas en ambaŭ flankoj de la norda Pacifiko. Ĝi estis unuafoje priskribata de Marmaduke Tunstall en sia verko de 1771 Ornithologia Britannica.