ৰঙাফুটৰ ক'লীয়া পখিলা ভাৰতত বহুলভাৱে বিস্তৃত হৈ থকা এবিধ চাতকনেজীয়া (Swallowtail butterfly) পখিলাৰ প্ৰজাতি৷
ৰঙাফুটৰ ক'লীয়া পখিলাৰ মতা পখিলাৰ বৰণ গাঢ় বেঙুণীয়া বা ক'লা৷ ইয়াৰ আগফালৰ পাখি (Fore wing)ত পথালিকৈ আঁচ কিছুমান থাকে৷ পিছফালৰ পাখি ( Hind wing)ত শেঁতা হালধীয়া বা বগা দাগ থাকে৷ পাখিৰ তলৰ ফালে বৰণ ধুসৰ ক'লা৷ ইয়াৰ এন্টিনা ক'লা আৰু মূৰ, থ'ৰাক্স আৰু পেট অংশৰ বৰণ গাঢ় মটিয়া ক'লা হোৱা দেখা যায়৷
মাইকী পখিলাজনী দেখাত মতা ৰঙাফুটৰ ক'লীয়া পখিলাৰ দৰেই৷ ইয়াৰ পাখিৰ ওপৰফালটোৰ বৰণ গাঢ় মটিয়া ক'লা৷ তলৰঅংশটো মতা পখিলাৰ পাখিৰ তলৰ অংশটোৰ দৰেই৷ কেৱল আগফালৰ পাখিৰ আঁচবোৰ মাইকীজনীৰ অধিক বহল আৰু শেঁতা বৰণীয়া হয়৷ ইয়াৰ এন্টিনাও ক'লা আৰু মূৰ, থ'ৰাক্স আৰু পেট অংশৰ বৰণ গাঢ় মটিয়া ক'লা .[1]
ৰঙাফুটৰ ক'লীয়া পখিলা পাকিস্তান, জম্মু-কাশ্মীৰ,গড়ৱাল হিমালয়, ছিক্কিম, অসম, বাংলাদেশ, বাৰ্মা, চীন, উত্তৰ ভিণেটনাম. লাওছ, টাইৱান, উত্তৰ কোৰিয়া, দক্ষিণ কোৰিয়া আৰু জাপান আদি দেশত বিস্তৃত হৈ আছে৷
ইয়াৰ পলুৰ বৰণ হালধীয়া-সেউজীয়া হয়৷ ই প্ৰধানকৈ ' Zanthoxylum alatum." নামৰ উদ্ভিদৰ অংশ খাই জীয়াই থাকে৷
ৰঙাফুটৰ ক'লীয়া পখিলাৰ লেটা সাধাৰণতে সেউজীয়া হোৱা দেখা যায়৷
বৰ্তমানলৈ ৰঙাফুটৰ ক'লীয়া পখিলা বিপদমুক্ত হৈ আছে [2]
ৰঙাফুটৰ ক'লীয়া পখিলা ভাৰতত বহুলভাৱে বিস্তৃত হৈ থকা এবিধ চাতকনেজীয়া (Swallowtail butterfly) পখিলাৰ প্ৰজাতি৷
