La centaurea mayor (Centaurea scabiosa) ye una especie de la familia de les asteracees. Llámase tamién "peu de pollín".
Planta perenne, derecha, ríxida, de 45 cm d'altor, pocu ramificada y aspra. Poques cabezueles solitaries, arreyo globular, un pocu estrecháu sobre les flores, de 2 cm de diámetru, sobre un llargu y ríxidu pedúnculu formáu por munches bráctees trinagulares, anches y con cantu de color marrón bien escuru, cuasi negru, con escayos retorcigañaes. Les interiores más allargaes, tamién con una punta triangular escura y con lacinies retorcigañaes. De color verde con pelusilla blanca. La parte inferior del cantu cuasi tresparente. Les flores de color púrpura o rosa violáceo, en forma de tubu más abuitáu, les esteriores más llargues, cayíes sobre l'arreyo y estériles, los sos 5 lóbulos bien estrechos. En plena floraciçon la brocha de flores puede midir 4 cm de diámetru. Fueyes sentaes, con dellos pares de lóbulos oblongos, de cantu retorcigañáu, abarquillaes, aspres nos dos páxines polos numberosos elos curtios y ríxidos. Les inferiores de la roseta, peciolaes. el raigañu duru y rizomatusa.[1]
En toa Europa sacante Albania, Bulgaria, Islandia, Grecia y Turquía.[2] N'España en Castiella y Lleón. Vive n'escombreres, al pie de carreteres, sebes , riscos, cantos y llugares secos y cascayosos con campera dura. Floria pel branu y hasta la seronda.
Centaurea scabiosa describióse por Carolus Linnaeus y espublizóse en Species Plantarum 2: 840. 1753.[3]
Númberu de cromosomes de Centaurea scabiosa (Fam. Compositae) y táxones infraespecíficos: 2n=40[4]
Centaurea: nome xenéricu que procede del Griegu kentauros, homes-caballos que conocíen les propiedaes de les plantes melecinales.
scabiosa: epítetu llatín que significa "rugosa".[5]
.
Esta páxina forma parte del wikiproyeutu Botánica, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. La centaurea mayor (Centaurea scabiosa) ye una especie de la familia de les asteracees. Llámase tamién "peu de pollín".
