Artigos sobre Chapim-azul - Enciclopédia da Vida

Cyanistes caeruleus ( Asturiano )

fornecido por wikipedia AST

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu o de la SEO.

Cantar del herrerillo común.

'''Cyanistes caeruleus ye una especie d'ave de la familia de los páridos. Ye unu de los páxaros de mayor coloríu d'Europa: la so llibrea azul, verde, mariella y blanquinegra ye inconfundible. Ave llargamente distribuyida pol continente européu y Oriente Mediu, conócense delles subespecies.

Taxonomía

Herrerillo nuna caña.

La especie describióse per primer vegada por Linneo na so Systema naturae de 1758 como Parus caeruleus.^[1]

La mayor parte de les autoridaes caltién Cyanistes como subxéneru de Parus, anque la Unión Británica d'Ornitólogos trata Cyanistes como un xéneru distintu.

Los exemplares de les islles Canaries y África fueron dixebraes a una especie distinta, Cyanistes teneriffae.^[2]

Descripción

Tamañu de 11,5 cm midíu dende'l picu hasta la cola. L'únicu paru con pileu, ales y cola de color azul cobaltu vivu.^[3] Partes inferiores marielles; mexelles blanques con llista negra al traviés del güeyu y arrodiando la nuca, de color negru azuláu; envés verdosu.

Dimorfismu sexual

Dimorfismu sexual pocu aparente, el machu presenta'l pileu de color más vivu que la fema y la banda negru azulada qu'arrodia'l pescuezu ye más ancha nos machos.

Distribución xeográfica

Habita en gran parte d'Europa, llegando hasta'l mar Caspiu, gran parte de Turquía, Armenia, Xeorxa, Azerbaijan.

N'España alcuéntrase na mayoría de comunidaes, incluyendo les islles Baleares.

Hábitat

Monte caducifolios y mistos, sobremanera en encinares, en rastrojales, parques y xardinos.

Subespecies

Reconócense les siguientes subespecies:^[2]

C. c. balearicus, Baleares (Mallorca).
C. c. caeruleus, norte d'España, Sicilia, norte de Turquía y los Urales.
C. c. calamensis, Grecia.
C. c. obscurus, Islles Britániques.
C. c. ogilastrae, Portugal, sur d'España, Córcega y Cerdeña.
C. c. orientalis, Rusia occidental.
C. c. persicus, suroeste d'Irán.
C. c. raddei, norte d'Irán.
C. c. satunini, Península de Crimea, Cáucasu, noroeste d'Irán y Turquía.

Referencies

↑ (en llatín) Linnaeus, C. Systema naturae per regna tria naturae, secundum classes, ordines, xenera, species, cum characteribus, differentiis, synonymis, locis. Tomus I. Editio decima, reformata.. Holmiae. (Laurentii Salvii)., 190. «P. remigibus caerulescentibus: primoribus marxine exteriore albis, fronte alba, vertice caeruleo.»
↑ ^2,0 ^2,1 Clements, J. F., T. S. Schulenberg, M. J. Iliff, B.L. Sullivan, C. L. Wood, and D. Roberson. 2012. The eBird/Clements checklist of birds of the world: Version 6.7.
↑ R.T. Peterson, G. Mountfort, P.A.D. Hollom (1980). Guía de campu d'España y Europa, 4ª, Omega. ISBN 84-282-0334-2.

Enllaces esternos

Wikimedia Commons tien conteníu multimedia tocante a Parus caeruleus.

Esta páxina forma parte del wikiproyeutu Aves, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies.

licença: cc-by-sa-3.0
direitos autorais: Wikipedia authors and editors

original: visite a fonte
site do parceiro: wikipedia AST

Chapim Azul

Cyanistes caeruleus (Linnaeus 1758)