Field Scabiosa

Toś ten nastawk z temu družyna "Knautia arvensis" jo pó lema na drugi nastawk pódobny. Drugi lema bubliny (rod) ma temu rod "Knautia".

Bubliny^[1] (Knautia arvensis) jo rostlina z pódswójźby drapalcowych rostlinow (Dipsacoideae) znutśika swójźby kózylistowych rostlinow (Caprifoliaceae). Dalšnej serbskej mjeni stej pupawa^[1] a rolne bubliny^[2].

Wopis

Bubliny su trajne zele, kótarež dośěgnu wusokosć wót 30 až do 80 cm.

Kijašk jo jadnory abo roznogaśowany, krotkokósmaty a naslědk šćeśinaty-kósmaty.

Łopjena

Spódne łopjena su njerozdźělne, jajko-lancetojte, wogonkate, cełokšomne abo zubate.

Kijaškowe łopjena su sejźece, napśeśiwo stojece, šerozelene a mutne.

Kwiśonki

Kwiśo wót julija až do awgusta. Kwiśonki stoje w małkich, 2-4 cm šyrokich, płonych głowkach. Keluch ma 8-10 swětłych, 2-3 mm dłujkich seršćow. Krona jo módrowioletna abo cerwjenowioletna a dośěgnjo wót 1,8 cm, mjaztym až styri kronowe kóńcyki maju rozdźělne dłujkosći. Jeje zwenkowne kóńcyki wósebnje kšomnych kwiśonkow su pówětšone. Nakšomne kwiśonki su wětše.

Stojnišćo

Rosćo na łukach, połsuchych tšawnikach, drogowych a lěsnych kšomach a na rolach.

Rozšyrjenje

Rostlina jo w pśisamem cełej Europje rozšyrjona.

Nožki

1. ↑ ^{1,0 1,1 1,2} Petrick, W. et al̇.: Flora des Spreewaldes. Natur und Text, Rangsdorf 2011, b. 102 (Serbske mě za Knautia arvensis).
2. ↑ prědny źěl pó górnoserbskem mjenju Rólny hłowač

Žrědła

• Rita Lüder: Grundkurs Pflanzenbestimmung. 5. nakład. Quelle & Meyer Verlag, Wiebelsheim 2011, b. 104 (Tam jo informacija, až Kardengewächse (serbski drapalcowe rostliny) něnto słušaju k Geißblattgewächse (serbski kózylistowe rostliny).). (nim.)
• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, bok 322 (nim.)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, bok 248 (nim.)