Лав (Lav)

Лав (науч. Panthera leo) — една од четирите големи мачки од родот Panthera, и член на семејството Felidae. Некои машки примероци надминуваат 250 кг во тежина, со што лавот е втора најголема мачка која живее на земјата по тигарот. Дивите лавови живеат слободно во природата во Супсахарска Африка, и во Азија со критично загрозена популација во северозападна Индија, а во минатото лавови живееле во Северна Африка, Блискиот Исток, и Западна Азија. Се до доцниот Плеистоцен, кој траел до пред 10,000 години, лавот бил најраширен копнен цицач по човекот. Тие се најдени во поголем дел од Африка, голем дел од Евроазија од западна Европа до Индија, и во Америка од Јукон до Перу.

Лавот во природа живее од 10 до 14 години, додека во заробеништво може да живее над 20 години. Во дивина, машките лавови често пати живеат подолго од 10 години, иако борбите со ривалите предизвикуваат повреди. Лавот живее во саваната и тревници, иако може да се најде и во грмушки и во шума. Лавовите се необично друштвени животни во споредба со другите мачки. Група женски лавови обично ловат заедно.

Лавот како тема во уметноста и во популарната култура

Лавот се јавува како тема во бројни дела од уметноста и популарната култура, како:

• „Како петелот се тепал со лавот“ – приказна на африканското племе Акамба.^[1]
• „Опашката на лавот“ – приказна на африканското племе Коса.^[2]
• „Човекот, лавот и зајакот“ – приказна на африканското племе Басумбва.^[3]
• „Лавот и глушецот“ - басна на американскиот писател Емброуз Бирс.^[4]
• „Лавот и бикот“ - басна на американскиот писател Емброуз Бирс.^[5]
• „Лавот, петелот и магарето“ - басна на американскиот писател Емброуз Бирс.^[6]
• „Лавот и глушецот (2)“ - басна на американскиот писател Емброуз Бирс.^[7]
• „Јарецот, бикот и лавот“ - басна на старогрчкиот баснописец Езоп.^[8]
• „Лавот и магарето“ - басна на старогрчкиот баснописец Езоп.^[9]
• „Лавот, магарето и лисицата“ - басна на старогрчкиот баснописец Езоп.^[10]
• „Лавот и мечката“ - басна на старогрчкиот баснописец Езоп.^[11]
• „Лавицата и лисицата“ - басна на старогрчкиот баснописец Езоп.^[12]
• „Лавот, глушецот и лисицата“ - басна на старогрчкиот баснописец Езоп.^[13]
• „Лавот и човекот“ - басна на старогрчкиот баснописец Езоп.^[14]
• „Лавот, волкот и лисицата“ - басна на старогрчкиот баснописец Езоп.^[15]
• „Лавот и лисицата“ - басна на старогрчкиот баснописец Езоп.^[16]
• „Магарето, петелот и лавот“ - басна на старогрчкиот баснописец Езоп.^[17]
• „Лавот и зајакот“ - басна на старогрчкиот баснописец Езоп.^[18]
• „Волкот и лавот“ - басна на старогрчкиот баснописец Езоп.^[19]
• „Лавот и глушецот“ - басна на старогрчкиот баснописец Езоп.^[20]
• „Лавот и кобрата“ (The Lion and the Cobra) - албум на ирската поп-пејачка Шинејд О'Конор од 1987 година.^[21]
• „Лавот Џо“ (Joe the Lion) - песна на англискиот пејач Дејвид Боуви од 1977 година.^[22]

Наводи