Thymus serpyllum L.

Pěskowa babyduška (Thymus serpyllum) je rostlina ze swójby cycawkowych rostlinow (Lamiaceae). Dalše serbske mjena su płónc, pólna babyduška a kulowske zelo.

Kćenja

Ilustracija

Wopis

Pěskowa babyduška je zymokruty kerk, kotryž docpěje wysokosć wot 2 hač do 10 (25) cm, šěrokosć wot 45 cm a ma hłuboko w pódu sahacy centralny korjeń a so wot toho wuńducy z ležacymi stołpikami rozšěrjuje. Jednotliwa rostlina wuwiwa na tute wašnje zwisowacy přestrjenc, kotryž móže docpěć wulkosć jednoho kwadratoweho metra.

Dele ležace stołpiki su jenož na spódku tróšku wodrjewjene.

Łopjena

Wonjace łopjena rostliny su małe, błyšćace, eliptiske hač lancetojte a docpěja dołhosć wot 10 mm a šěrokosć wot 4 mm. Ze stołpiki zapušćuja w kóždym lětu wulke mnóstwo kćenowych wurostkow, kotrež docpěja wysokosć wot dźesać hač do pjatnaće centimetrow.

Kćenja

Kćěje wot meje hač do septembra (wot junija hač do awgusta). Róžojte abo módrowioletne, małe, rołkojte, dwuhubkate kćenja steja po třoch hač po šesćoch w łopjenowych rozporach w pozdatnej kłosy, kotrež docpěja dołhosć wot hač do 4 milimetrow (wot 6 hač do 7 mm).

Rostlina produkuje w tutym času nektar za wopróšowace insekty. Za pčołarstwo je pěskowa babyduška tohodla wažna pčołkaca pastwa.

Stejnišćo

Pěskowa babyduška je typiski wobydler wot chójnowych stepowych lěsow z suchimi, małowapnatymi pěskowymi pódami. Wón so tam často podłu pućow abo na lěsnych swětlinach namaka. Typiska přewodna rostlina na tutym stejnišćo ja jatřobnik.

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 33.
2. ↑ W internetowym słowniku: Feldkümmel
3. ↑ W internetowym słowniku: Thymian

Žórła

• Botanica, Einjährige und mehrjährige Pflanzen, Über 2000 Pflanzenporträts, ISBN 978-3-8331-4469-1, strona 857 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 96 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Eksterne wotkazy

Hlej wotpowědne dataje we Wikimedia Commons:
Pěskowa babyduška

• Pěskowa babyduška. W: FloraWeb.de. (němsce)
• Rozšěrjenska mapa za Němsku při Floraweb (němsce)
• Rozšěrjenska mapa