Os carpins[1] (scientificament, o chenero Carpinus) son un chenero d'árbols de fuella caduca en a familia Betulaceae, anque qualques autors el deseparan en chunto con Ostrya y Corylus (as avellaneras) en una altra familia, dita Corylaceae.
O chenero Carpinus enclui arredol de 30 u 40 especies, destribuitas arredol d'os territorios temperatos de l'hemisferio norte, especialment en l'este d'Asia, con o numer més alto d'ellas trobables en a China. En Europa no sen conoix si que dos especies, y una sola en Nordamerica, destacando-se-ne Carpinus carpe perque se ye quiesto cultivar coma árbol ornamental en parques y chardins en tot arredol d'o mundo.
As fuellas suyas son simples y de destribución alternas en a branca, con a ladera serrata que las fa de recordar muito en as fuellas d'os urmos d'as que son quasi que iguals y se i podereban trafucar de no estar perque os urmos las i tienen con a ladera inferior (per a on que se fusionan en o peciolo) con o perfil asimetrico mientres que en os carpins i son simetricas. As flors son deseparatas en diferents inflorescencias, masculinas d'una man, femeninas de l'altra, y la polenización se i fa per o viento. O fruito ye una nuez chiqueta («nucula») guardada per tres bractias follars, que gosan estar trilobulatas u simplas de forma oval, y per estar asimetricas fan que os luletz chiren en l'aire quan cayen de l'árbol ta tierra. A forma d'as bractias las fa clasificaderas per a especie.
Os carpins en as nuestras latitutz, quan son bordes, se gosan trobar asociatos en as faberas per compartir con ixes árbols, os fabos, muitas d'as suyas necesidatz d'humedat y habitat.
Os carpins (scientificament, o chenero Carpinus) son un chenero d'árbols de fuella caduca en a familia Betulaceae, anque qualques autors el deseparan en chunto con Ostrya y Corylus (as avellaneras) en una altra familia, dita Corylaceae.
O chenero Carpinus enclui arredol de 30 u 40 especies, destribuitas arredol d'os territorios temperatos de l'hemisferio norte, especialment en l'este d'Asia, con o numer més alto d'ellas trobables en a China. En Europa no sen conoix si que dos especies, y una sola en Nordamerica, destacando-se-ne Carpinus carpe perque se ye quiesto cultivar coma árbol ornamental en parques y chardins en tot arredol d'o mundo.
As fuellas suyas son simples y de destribución alternas en a branca, con a ladera serrata que las fa de recordar muito en as fuellas d'os urmos d'as que son quasi que iguals y se i podereban trafucar de no estar perque os urmos las i tienen con a ladera inferior (per a on que se fusionan en o peciolo) con o perfil asimetrico mientres que en os carpins i son simetricas. As flors son deseparatas en diferents inflorescencias, masculinas d'una man, femeninas de l'altra, y la polenización se i fa per o viento. O fruito ye una nuez chiqueta («nucula») guardada per tres bractias follars, que gosan estar trilobulatas u simplas de forma oval, y per estar asimetricas fan que os luletz chiren en l'aire quan cayen de l'árbol ta tierra. A forma d'as bractias las fa clasificaderas per a especie.
Os carpins en as nuestras latitutz, quan son bordes, se gosan trobar asociatos en as faberas per compartir con ixes árbols, os fabos, muitas d'as suyas necesidatz d'humedat y habitat.
