House Sparrow

Iẓiwec n wexxam (Assaɣ ussnan: Passer domesticus) d aylal yeṭṭafaren tawacult n iẓiwcen yettidir deg waṭas n yidgan n umadal deg Turuft d Tefriqtn Ugafa D wazal ameqran n Asya d Marikan n Ugafa, iẓiwec n wexxam d win yettidiren deg yidgan iɣarimen (anda ttilin imezdaɣ) ama deg tuddar neɣ di temdinin.

Deg tama tadelsant iẓiwec iga d agṭiṭ yettwastaɣen (yettwaḥqaren) acku itett ifsan deg urriyen n ikerrazen. Ayen yeǧǧan amdan-is ad yader s waṭas ɣas akken yettidir deg waṭas n yidgan n umadal maca addad-is n taggaẓt yettujerred d akken-it d talmest ur nettwaggez.

Aglam

Talɣa d ubleɣ Teɣzi n iẓiwec seg yixef-is ar taggara n wedfar-is 16 cm. Ma d tehri-ynes mi ara ad yeldi afriwen-is seg 14 ar 18 cm ayen ar t-yeǧǧen d aylal meẓẓiyen, ixef-is yezzi, aqamum-is d win yuddsen (iǧehden) talɣa-ynes tga d takawsart, dɣa teɣzi n uqamum-is seg 1 ar 1,5 cm yessezgi akken iwata i wakken ad yečč ifsan, teɣzi n wedfar-is seg 5,2 ar 6,5 cm, ma d teɣzi n udinan n ufriw seg 6,7 ar 8,9 cm, tinci tga gar 1,6 d 2,5 cm, azuk n iẓiwec iga gar 24g ar 39,5g
Takura n iwetmen tugar tin n twetmin s kra, yerna yella umgarad gar tkura deg telmas yettidiren deg Turuft (yettawṭen ar 30g) yugaren tilmas tifurkanin yettidiren s anẓul n Turuft (26g).

Afraw

Afraw n uwtem deg tsemhuyt n umyaraw (s azelmaṭ) d ufraw-is mi ara ad tt-fakk tsemhuyt n umyaraw neɣ send ma ad tebdu (s ayeffus)

Yezmer ad yili ufraw n iẓiwec s yiniten yemgaraden seg uzunɣid ar waras, akken yella wemgarad meqqren gar yini n uwtem d yini n tewtemt, Anda tawtemt tla (tesɛa) ini aras d uwṛiɣ deg ufella d wadda n uqerru, ma d awtem ila (yesɛa) initen d ibeṛbacen deg uqerru azagur-is d uzwiɣ (imal ar uzeggaɣ) ma d tama n ufella deg tafekka-ynes d tazunɣidt.

Imesli

Tuggta

Asismel d usru

Tikeli

Tudert

Ẓeṛ daɣen

• Aylal