париче

Meizeumpjen

't Meizeumpjen (Latien: Bellis perennis) is een kleine, overblievende plant die maximaol 15 centimeter hoog wort. De blaojen staon allemaol in een wortelrozet en bin spatelvormig. De rand van 't blad is ekarteld. An 't eind van de bloemstengel staot één bloemheufdjen. Disse is maximaol 2,5 cm groot en bestaot uut een haart van gele buusbloemen, mit een krans van witte straolbloemen. Zolang 't niet vriest, bin ze 't hele jaor in bleui an te vienen. Oek worren der meizeumpjes gebruukt veur de siertuun. Dit bin cultivars mit grote bloemen.

Vortplanting en verspreiding

Meizeumpjes planten zich ongeslachtelijk vort deurdat zich in de oksels van de blaojen ziedstengels vormen die kunnen uutgreuien tot een niej rezet. Die stengeltjes worren niet zo lang, waordeur meizeumpjes dichte matten kunnen vormen. De plant plant zich oek vort via zaojen.

Hie komt van oorsprong alleen veur in Europa en Zuudwest-Azië, mar het zich oek in are delen van de wereld verspreit, zoas Noord- en Zuud-Amerika. In heel West-Europa is ie algemeen. In 't Verenigd Koninkriek schient ie achteruut te gaon deur een schimmelinfectie.

Gebruuk

Meizeumpjes hen een symbolische betekenis. Ze gellen as symbool veur maagdelijkheid en daormee samenhangend veur Maria. Ze worren vaak deur kienders eplukt die der dan een ketting van maken.

Ekelogische betekenis

De plant komt veul veur in greslaanden. Veural in gazons komt ie vaak veur. Eigenaars denken hier verschillend over. Sommigen vienen dat der gezon alleen uut gres heurt te bestaon en bestriejen ze. Are minsen genieten van 't fleurige gezon, en deur de veule bloempjes en de schik die kinders deran kunnen hen. Oek greuit 't meizeumpjen veul in baarmen en in boerengreslaand, dat wel veur de begrippen van vandaag de dag vrie uutvoerig beheerd moet worren.

Nedersaksisch

• Drèents:
  • lommelommeliefde
  • meibloempie(n), meiblooumpie
  • meibluumpie(n), meizoentie(n) (Ni'jlusen)
  • meizuvertie(n)
• Grunnegs:
  • laandjebloum
  • maaibloumpien
  • melaifke
  • vennebloum
• Stellingwarfs:
  • koebloempien
  • paos(ke)bloempien
• Tweants:
  • meizoentje
• Urkers:
  • koenebloemetjen
  • madeliefien
• Veluws:
  • maddelief
  • maddeliefje(n), -ie(n)
  • meizeum, meizeumpje(n)
  • meizuuntie(n) (veural Oost-Veluws)
  • meizeuntie(n) (veural Oost-Veluws)
  • meibloempje, meizoentje (Niekark)
  • matteliefie(n) (Bunsjoots)
  • meizoem, meizoempje(n) (Armelo)
  • meimaondzuuntje (Vaossen)
  • meimezuuntie(n) (Heerde)
  • schapenblomme (Elburg)
• Overig: opzeuken